കൊച്ചി: ദളിത് യുവതിയെ പീഡിപ്പിച്ച കേസില് പാലക്കാട് നഗരസഭാ കൗണ്സിലര് പ്രശോഭ് സി. വത്സന്റെ മുന്കൂര് ജാമ്യാപേക്ഷ ഹൈക്കോടതി തള്ളി. ജസ്റ്റീസ് എ. ബദറൂദ്ദീന്റെ ബെഞ്ചാണ് പ്രശോഭ് ഹൈക്കോടതിയില് സമര്പ്പിച്ച ജാമ്യഹര്ജി തള്ളിയത്.
മണ്ണാര്ക്കാട് എസ്സി എസ്ടി പ്രത്യേക കോടതിയില് സമര്പ്പിച്ച മുന്കൂര് ജാമ്യാപേക്ഷ തള്ളിയതിന് പിന്നാലെയാണ് ഹൈക്കോടതിയില് പ്രശോഭ് ജാമ്യാപേക്ഷ സമര്പ്പിച്ചത്. തനിക്കെതിരെയുള്ള പരാതി അടിസ്ഥാനരഹിതമാണെന്നും എഫ്ഐആര് രജിസ്റ്റര് ചെയ്തതില് അടക്കം സാങ്കേതിക പിഴവുണ്ടെന്നും ചൂണ്ടിക്കാണിച്ചാണ് പ്രശോഭ് മുന്കൂര് ജാമ്യപേക്ഷ സമര്പ്പിച്ചത്.
എന്നാല് ഇത് കോടതി പരിഗണിച്ചില്ല. കേസ് അട്ടിമറിക്കപ്പെടാനുള്ള സാധ്യതയുണ്ടെന്ന് ആരോപിച്ചാണ് പ്രോസിക്യൂഷന് ജാമ്യത്തെ എതിര്ത്തത്. ജോലി വാഗ്ദാനം ചെയ്ത് നിരവധി തവണ പീഡിപ്പിച്ചു എന്നാണ് ദളിത് യുവതി പ്രശോഭിനെതിരെ പരാതി നല്കിയത്.
പീഡനത്തെ തുടര്ന്ന് ഗര്ഭിണിയായെന്നും ഇതറിഞ്ഞതോടെ ഗര്ഭഛിദ്രത്തിനുള്ള മരുന്ന് കഴിക്കാന് നിര്ബന്ധിച്ചെന്നും യുവതി പറഞ്ഞിരുന്നു. പരാതി എത്തിയതിന് പിന്നാലെ പ്രശോഭിനെ കോണ്ഗ്രസിന്റെ പ്രാഥമിക അംഗത്വത്തില് നിന്ന് പുറത്താക്കിയിരുന്നു.
Deepika
E-paper LOGIN
LOGIN